يا ربت الناس تشارك بموضوعية عشان كل الناس وانا واحد منهم نستفيد ان شاء الله:Copy of majd(4):
عرض للطباعة
يا ربت الناس تشارك بموضوعية عشان كل الناس وانا واحد منهم نستفيد ان شاء الله:Copy of majd(4):
اشمعنا مثير للجدل
هو حضرتك شايف انها مثيرة للجدل
ده عربية زى اى عربية اسبرانزا
حظها الاسود انها وقعت فى قرطة ابو الفتوح
سرقها ونصب على الناس
انما اللى عاوز يتعمل موضوع فعلا هو ابو الفتوح مش العربية
ام 11 معايا و هى حلوة جدااا
العربية معايا بقالها اسبوعين مبدأيا عربية جميلة وان كان عندى بعض الملاحظات بس ان شاء الله شايف هتتظبط فى صيانة الالف الاولى
1. صوت تكة عند العجلة اليمين ادام مع المطبات والملفات والفرامل بيحصل احيانا لكن مش دايما اعتقد عفشة
2. صوت صفارة عن العجله الشمال ادام بردو متكرر ولكن مش دائم واعتقد تيل
3. احساس احيانا بكهربا لما ببطل وانزل من العربية واقفل الباب لما بلمسه احيانا بتلسع والغريب انى بحس اللسعة من الكاوتش اللى على الباب
4. اطار الزجاج الامامى الكاوتش التحتانى نصه سايب عاوز يتلزق
5. عاوزة ظبط زوايا بتحدف يمين حاجة بسيطة
6. من يومين السحب قل بشكل بسيط اوى
7. الزجاج الامامى كهربا يمين تقيل حاجة بسيطة اوى عن صاحبه الشمال
8. شايف صدأ بسيط على الطنابير مضايقنى بس معتقدش انه مأثر فى حاجة لكن يعنى عاوزها تلمع العربية لسه جديدة
9. احيانا خشونة فى نقلات الفتيس بس بردو عادى يعنى مش اوى
10. رشاشات سائل المساحات عاوزة تتسلك واتجاهاتها تتظبط
هى ملاحظات كتيرة على عربية لسه زيرو لكن شايف ان بعضها مش مأثر والباقى ان شاء الله تتحل فى صيانة الالف
نسيت حاجة:
11. صوت تزييق خفيف فى الطارة لما بلفها
أنا العربية معاى من سنة و نص .. و عامل 38000كم
أداء العربية عموما 7/10...
العربية فعلا مشاكلها ممكن تكون بسيطة و معظمها بيتحل فى التوكيل.. لكن بمنتهى الأمانة العربية مشاكلها كتير لدرجة تزهقك و تحسسك انك مش راكب عربية زيرو من كتر مابتروح للتوكيل...
أنا عن نفسى لو رجع بى الزمان تانى عمرى ما اشتريها لأنى لما قررت أشترى زيرو كنت عاوز عربية تقعد معاى 3 أو أربع سنين على الأقل ماعملش فيها غير الصيانات الدورية .. بس للأسف ده ماحصلش...
و عموما ربنا يوفقك الى الخير...
انا استلمت العربية في نفس الاسبوع اللي انت استلمت فيه يا خالد فاكر ... انا دلوقت عامل 600كم بس انا الحمد لله مافيش عندي غير ملاحظة واحدة بس علي العربية لحد دلوقت لما اكون باخد ملف واكسر الدركسيون علي الاخر ويكون فيه تكسير في الارض بسمع صوت مش جامد اوي جاي من العجلة اليمين الامامية ... خشونة الفتيس كانت موجود في الاول واختفت تماما بعد كام يوم من الاستعمال وخلاص علي كدا ... الحمد لله العربية لحد دلوقت مافيهاش اي حاجة مش طبيعية
والله من خلال متابعتى للعربية دى بعد نيتى لشرائها ملاحظ حاجات غريبة جدا من اهمها ان العربية اول مابتشتريها بتبقى العفشة مش متربطة وفى صيانة الالف بتتربط
طيب هى لية مبتبقاش مربوطة من الاول زى باقى العربيات ؟؟ واعتقد دى الى بتعمل عدد من المشاكل الى بتظهر فى البداية مش عارف بقى بعد مايربطوها فى صيانة الالف بتفضل المشاكل موجودة ولا بتختفى
والحاجة التانية الى جمعتها من مشاكل الناس هى التقفيل والخامات الى بتتغير من صينى لمصرى وطبعا الفرق بيبقى كبير
علشان ينزلوا فى السعر ويكسبوا اكتر ودة طبعا بيظهر فى فرش التابلوة واطارات الازاز .. والحاجة المنتشرة بقى موضوع قلة الضمير الى بيظهر حاجات بعد الشرا تبان انها كبيييييرة اوى لصاحب السيارة
لكن فى التوكيل بيهمشوها لانها بتبقى واقفة على تربيط صاموله تضبيط فيشة الكلام بالنسبالهم الفارغ دة ... يعنى من الاخر كدة يارجاله توحة لسة عايش ايام الدايو لانوس والنوبيرا الفترة الى كان فيها المصرى بيدور على عربية شكلها حلو
بعد غزو اللادا وال 128 فكان يضبط العربيات دى ويبيع منها كميات مهوله والناس تستحمل بقى عيوب التقفيل وتتردد على التوكيل علطول رغم ان كان مشاكلها اقل كتيير .. الباشا مش قادر يفهم ان دلوقت بقى فية منافسة والعربيات انتشرت والمستهلك بقى عاوز
يجيب عربية قليله المشاكل لان الفرق بينها وبين اليابانى والفرنسى زى الصني والرينو والهيونداى الكورى مش كبير ..
الحاجة الوحيدة الى بيلعب عليها وتبقى بالنسباله نقطة قوة هى الشكل ومجاراتها للسيارات العصرية يعنى تقعد معاك بال5 سنين شبة كل الى بينزل بعدك من ماركات تانية ودة طبعا علشان ارتفاعها وشكلها الفخم الى بيبان انه كبير نسبيا بالنسبة لفئتها
وفوانيسها وطبعا الاوبشن بتاعها وثباتها على الطريق
بس ياريت يفهم ان كل الى بتظهر معاه مشاكل كتيرة كدة بينسى الشكل وبينسى الحلاوة وبيزهق وبيقرف وبيجيب اخرة وبيدور على حاجة اقل فى الشكل كتيييييير بس المهم تخلية ينام مرتاح
مش عمال يصرف عالعمال والبطال والرجاله عماله تهلب على حسه فى التوكيل لاء ومش كدة بس دة بيبقى مندوب دعاية اول لمحاربة ابو الفتوح وكل من يعمل فى قسم الاسبرانزا
بس هقول اية غير حسبى الله ونعم الوكيل فى كل ظالم ومحتكر وقليل الضمير وحرامى وطماع فى البلد دى سواء كبير او صغير . لان كل دول اعداء للوطن وبيوقفوا مسيرة البلد
انا مش هقدر ارد على كل مشاركة على حدا لضيق الوقت اعذرونى لكن هختصر بسرعة كده...
الاخ اللى بيقول الحق ابيع قبل ماتفتح بؤها طبعا مش هبيع ل 3 اسباب الاول لان العربية تقسيط واصلا مقدرش ابيع قبل مااخلص الاقساط وثانيا لو هقدر ابيع مش هبيع لانى هخسر كتير وثالثا ان انا شايف انها مش عيوب جوهرية تسىء للعربية كفئة فى حد ذاتها وانما انا حظى طلع كده العربية محتاج تربيط عفشة مثلا ظبط زوايا لزق كاوتش الباب صنفرة تيل انما مثلا الحمد لله مفيش حاجاة فى الموتور لا حاجة مكسورة ولا كده لسه بردو مقدرش احكم دلوقتى الا بعد فترة.
هيما ربنا يباركلك فى عربيتك انا صحيح عندى ملاحظات كتيرة عكسك وانما معنديش ملاحظتك وده بيأكد انها حظوظ وسوء فى تقفيل العربية.
احمد حلمى صديقى وحبيبى اول مرة اشوفك كلامك متغير عن العربية انا مش هحاول اقنعك بيها او ابعدك عنها لان دى هترجع لراحتك انت النفسية وعلى فكرة انا معاك فى حكاية سوء التقفيل والجشع والاستغلال ودى سمة التاجر المصرى مش توحة بس وزى مانت قولت فيه ناس مثلا بتروح على اللوجان وتستغنى عن بعض الكماليات والشكل لمجرد انها عربية اوروبية وهيحس باطمئنان وعدم جدل حولين العربية برغم انى متاكد ان كل عربية ليها مميزاتها وعيوبها.
عامة انا لسه مقدرش احكم نهائيا على العربية الا يمكن بعد مثلا 10000 كم لسه ادامى اول صيانة وهقولهم على كل ملاحظاتى وان اختفت كان خير وبركة وان لم يختفى بعضها بردو هستنى شوية واخلينى وراهم لحد ما اشوف ايه اخرتها وحتى لو لا قدر الله فضلت موجودة او زادت عيوب هستحمل لانى اشتريت خلاص ومش ناوى اغير على المدى القريب نهائيا وعموما محدش عارف ايه ممكن يحصل وربنا يسترها على الجميع
تقبلوا تحياتى
صديقى العزيز خالد باشا انا والله ماقصد اقول ان السيارة سيئة او الكلام دة بالعكس انا والله شايف زى مانت قلت ان كلها مشاكل بسيطة والحمدلله انها بعيدة عن الماتور والكبوت عموما .. موضوع التقفيل والخامات دى حاجة طبعا مفروغ منها هما محتاجين يضبطوا فيها اكتر من كدة رغم انها فى فئتها او الصينى عموما من افضل الخامات .. انا ان شاء الله هشتريها ومقتنع بيها جدا والى انا ذكرته دة كله شىء لازم كلنا نتكلم فية علشان نلاقى معامله احسن فى التوكيل واهتمام اكتر للصالح العام لينا كلنا وانا على فكرة ياخالد هعمل حاجة كمان وانا بشتريها هتنفع كل الناس وياريت كلنا نعملها هطبع ورقة فيها كل المشاكل الى ظهرت عند الناس بالترتيب وهوزعها فى كل توكيل يقابلنى فى مصر وهعرفهم ان فى ايديهم يضبطوا الدنيا ويكسبوا كل الناس ويحسنوا سمعتهم تانى لو اهتموا اكتر بالعميل بتاعهم وضبطوله الدنيا من اول صيانه وطبعا اهتموا ام لاء هبقى عملت الى عليا وخلاص واعتقد لو دة حصل هيعملولنا الف حساب ومش من الذكاء انهم يتجاهلونا لان الشركة دى فاتحة بيوت وانا اخترت الطريقة دى احسن من موضوع حماية المستهلك انا شايف انه بيحمى الوكيل اكتر من المستهلك المفروض يسموة حماية الوكيل مش المستهلك .. واهى محاوله ياجماعه وياريت كلنا نعملها مش هنخسر حاجة ..
والله كلام محترم وايجابى جدا المشكلة ان العربية عجبانى جدا وفعلا عاوز اشتريها لان ببساطة كل العربيات اللى فى الرينج ده بصراحة مش حلوه ومافيهاش امكانيات m11 يعنى مثلا الفيرنا عربية فقيره جدا واللوجان خشونة الموتور بتاعها ماتحسسكش انك راكب عربية جديده او بمعنى اصح ماتفرقش عن الادا كتير وللاسف مافيش موديلات تانية بالنسبة للسيدان ممكن الواحد يختار منها ربنا يوفقنا جمعيا للخير ان شاء الله .......... تحياتى للجميع
تسلم ياخالد باشا على ذوقك والله ويارب كل مشاكلك تتحل فى صيانة الالف و يباركلك فى عربيتك .. وبالنسبة للاستاذ memo13 صلى استخارة وتوكل على الله والى انت بتعمله من مشورة الناس ومعرفة العيوب والمزايا دة مهم جداا حتى اثناء المعاينة تعرف تشوف كل المشاكل دى قبل الاستلام وربنا يباركلك فى الى هتختاره ..
مش هقول غير حسبي الله ونعم الوكيل فيك ياابو الفتوح ياترى العربيه عدم انتشارها لصالح مين وياترى بعد 3او4 سنين هتعمل كام انا اعتقد 40-45---انما لوكانت منتشره ومفهاش مشاكل 55---60 بس هنقول ايه هو ده المنتج الصينى ابشنز بالاونطه زى التليفون ابو 10شرايح وكاميرا 30ميجا باكسيل وطاتش اسكرين وحاجات مش موجوده فى الشركات العملاقه ----------هو ده ياجماعه المنتج الصينى
والله ياجماعة امبارح اتيحت ليا الفرصة اعمل مشوار برة البلد 20كم رايح جاى على الطريق السريع والمرادى ركزت مع اداء العربية بأمانة وبدون تحيز العربية كأداء ممتازة موتورها قوى صوته مش عالى وثابتة انما بعض المشكلات اللى ظاهرة عندى اعتقد بنسبة كبيرة هى راجعة لسوء التقفيل المصرى فى حد ذاته بس مش عيب فى العربية نفسها يعنى لما تسمع دربكة فى العفشة يبقى محتاجة تربيط لانها مش متربطة كويس ولما الاطار الكاوتش بتاع الازاز نصه يسيب بعد اسبوع من الاستلام وعاوز يتلزق يبقى ده عيب تقفيل وهكذا
عموما انا لسه بردو مقتنع بان مقدرش احكم على العربية بصفة عامة دلوقتى خالص انا مستنى اعمل صيانة الالف واشوء المشكلات اللى عندى هتختفى ولا لأ وبعدها امشى شوية كمان واحكم يعنى متهيألى ادامى لحد 10000 كم لما احكم حكم نهائى
ربنا يديك خرها وتفضل معاك ان شاء الله من غير مشاكل
يا جماعة العربية دى فى الصين شيرى بتفخر إنها من أفضل العربيات التى انتجاتها الفترة الاخيرة , خصوصاً نظام التعليق الخاص بها
و بصراحة انا شوفتها فى كذا معرض أعتقد المشاكل دى كلها مشاكل تقفيل مصرى . لان شوفت العربية دى فى الصين بردو حاجة جامدة
مستوى العربية اعلى من مستوى مهارة عمال مصنع ابو الفتوح على ما يبدو
يعنى بنجمع العربية و مش عرفين حتى نجمعها عدل
عربية جميلا فعلا وانا فكرت فيها ولكن اذا حطينا العربيتين فى مقارنة واحدة ومادام صينى بصينى فالام 11 تكسب فى الشكل الرياضى والاوبشنز وبقت مغرقة شوارع القاهرة تاكسى اكيد ده ميقللش من جودتها بالعكس ده معناه انها وقطع غيارها انتشرت لكن بردو انت عارف عقدة المصريين يقولك هشترى عربية بقت تاكسى!!
والله انا شايف ان فيرنا اوتوماتيك اختيار افضل سعرا و جودة وكماليات معقولة تكييف باور اوتوماتيك 4 ازاز سنتر انذار اريال كهربا مرايات كهربا كاسيت mp3 aux usb cd كاوتش عريض 14 موتور محترم ... ومتجربة و معروفة يبقى لية الواحد يجرب فى عربية جديدة ؟؟؟؟ عشان الشكل بس ؟؟؟
الفيرنا محتاجة كاوتش محترم و جنط محترم ذى بقية اخواتها ... انا معايا مركب جنط 15 وكاوتش بريدجستون وبجد عربية تانية خاالص
متشكر لدعواتك الجميلة :)))) قولى بقى فى m11 اوتومايك ؟؟
والله البي واي دي شكلها حلو برضه .. بس مش رياضي زي الأم 11 .. وبالنسبة للأوبشن اعتقد الاتنين زي بعض زيهم زي معظم العربيات الصيني في الأوبشن ... بالنسبة ليا على الأقل معنديش العقدة أنها صيني أو منتشرة كتاكسي .. المهم عندي حتديني أيه في المقابل اللي حدفعه فيها (والمقصود هنا الأداء مش الأوبشن فقط) .
د. أحمد باشا (زميل السمبيان 3) .. كل اللي بتقوله في الفيرنا موجود في البي واي دي وأكتر وأعتقد موجود كمان في الأم 11 (مش متأكد) بالإضافة إلى الوسع ورخص قطع الغيار النسبي موتور لانسر 1600 4g18 بس متقفل في الصين وعفشة تويوتا كرولا .... إلخ ، والفكرة مش في الشكل وبس .. الفكرة في Money for Value .. وأعتقد العربيات الصيني ابتدت تثبت كفاءة بالعربيات البي واي دي والأسبرانزا اللي بدايتهم في السوق تشبه بداية الفيرنا واللانوس .. والمشكلة في التوكيل اللي مش بيراعي العربية ويدعمها أكتر .
في بي واي دي أتوماتيك .. وميزة الفتيس الأوتوماتيك اللي فيها أنه ياباني الصنع بالكامل (الصين مالهاش دخل فيه خالص) ماركة Jatco واللي أعتقد أنه نفس الفتيس اللي راكب في النيسان صني . وسعرها أعتقد أنه مناسب بالنسبة للكماليات اللي فيها (80 ألف) .
مع كل احترامى لجميع الاراء انا شايف ان المشكلة فى العربية الصينى فى حد ذاتها انا اعتقد ان المشكلة فى الوكيل وعدم الضمير فى التقفيل المصرى لكن بالنسبة للعربيات الصينى انا شايف انها فعلا ممتازه بس بره مصر مش جوه مصر يعنى مثلا عربية زى m11 دى لو الوكيل والناس اللى بتقفلها فى مصر لو راعو ربنا العربية دى هاتكتسح السوق لان محدش هايقدر ينافسها على الاطلاق من ناحية الاوبشنز او من ناحية الشكل الرياضى العربية فعلا تحفة بس للاسف احنا بادينما بنبوز كل شء جميل نتيجة قلة الضمير والمكسب السريع ...آسف للاطالة......تحياتى للجميع
80 الف جنية لل byd مش كتير ياجماعة ... كدة الصينى بينافس فئات كتيير اوى فى رانج السعر دة
الbyd عربية محترمة فعلا اسمع ان موتورها متسوبيشى وعفشتها يابانى وتقفيلها كله صينى مفيش مصرى بيدخل فية بس اسمع كمان ان التوكيل على قدة خالص ومش منتشر فى اى مكان ومش مسوقلها صح فدة الى خلا كتير ميفكرش فيها ويبعد عنها لان انتشار قطع غيارها وتوكيلها دة شىء مهم جدا اومال ابو الفتوح بيتنطط علي الناس لية .. الفيرنا سيارة جميله وكورى محترمة كانت معايا لمدة 5 ايام فى اسكندرية وفيها عيب قاتل انها واطية والبلد مليانه مطبات ..